Friday, May 13, 2022

තොරණක කතාව

2022 අප්‍රේල් 17දා

පස්වැනි කොටුවෙන් පෙනෙන්නේ ටකර ටකං ටකර ටකං..

පින්වත්නි, සැඳැහැ සිතින් අප මහා තොරණ් රාජයා නැරඹීමට පැමිණි ඔබ සැම ආදර ගෞරවයෙන් පිළිගන්නා අතර ඔබතුමන්ලා තුමියන්ලාගෙ මෑණි පියවරුන්ද අපි මේ මොහොතේ සිහිපත් කරනවා.
පින්වත්නි, යටගිය දවස අසවල් නුවර කතන්දර තොරණට නැගීම බොහෝම භාරදූර කටයුත්තක්. ඒ මොකද කතන්දර ඒ තරමට ඒ නුවර. ඒ නිසාවෙන් අපි තීරණය කළා විශේෂ අවස්ථා පමණක් ඔබතුමන්ලා තුමියන්ලාගෙ අනුග්‍රාහක දායකත්වයෙන් බිහිවන මේ තොරණට ඇතුළත් කරන්න.

ඉතින් පින්වත්නි, ඔබතුමන් තුමියන්ලාගෙ ශ්‍රද්ධාවත් අනුග්‍රාහක දායකත්වයෙන් ඉදිව ඇති මේ විශාල වයිවර්ණ තොරණ් රාජයා විවෘත කිරීමට නියමිත වෙලාව එනතෙක් මං කැමතියි සිංදුවක් කියන්න.

"වතුර නැතුව කතර මැද්දේ හිට්ටෝත් නං
අතරමැදම නතර වේවි මේ වාගේ
සමහර අය කිව්වා වුණත් අහන්නේ නෑ
වැරදුනාට පස්සේ හිතලා වැඩක් නෑ
ඊටපස්සේ මොකද වුණේ දන්නවද ඔයා
දන්නෙ නෑ හලෝ කියනවකෝ
ඊටපස්සේ කව්ද බෝයි ගැන කතන්දරේ
කියනවා මං අහං ඉන්න දැං.."🎶🎶🎶🎶

අඃ! ලයිට් ගියා. තොරණ නිවුණා! 😲

නිමිත්ත: අවන්ත ආටිගලගේ කාටූනය

Dasvi (2022)

2022 අප්‍රේල් 10දා - භාරත සිනමා රසික සමූහයට

Dasvi (2022)

"Darling I've spent only a couple of days with them in a resort, when I feared they'll switch sides. And I have spent half my life with you. When I don't have you by my side how do I expect them to?"

ගංගා රාම් චෞද්රිට අභිෂේක් තරමටම සාධාරණයක් කළ හැකි රංගනශිල්පියෙක්ව හිතාගන්න අමාරුයි. අධි ආත්ම විශ්වාසයෙන් යුතු දේශපාලනඥයෙකුගේ භූමිකාව නිරූපණය කිරීමකට වඩා අභිෂේක් යටපත් කරගෙන ගංගා රාම් චෞද්රි දැනෙනවා.

මගේ පුද්ගලික අදහස අනුව දෙමව්පියන්ගේ (විශේෂයෙන් තාත්තාගේ) සාර්ථකත්වය පසුබිම් කරගෙන විවේචනයට විචාරයට අසාධාරණ විදිහට ලක්වුණ නලුවෙක්. නමුත් චරිතාංග නිරූපණයේ තියෙන හැකියාවෙන් හරියටම ප්‍රයෝජන අරගන්නේ දැන්. පරක්කු වෙලා හරි ඒ අවස්ථා ලැබීමත් ඒවායින් ඔහු උපරිම ප්‍රයෝජන ගන්නවා දැකීමත් ලොකු සතුටක්❤️ කොහොම වුණත් හොඳ පෞර්ෂයයක්, අනිවාර්යයෙන්ම දක්ෂයෙක්.
අභිෂේක්ගෙ Bob Biswas, Ludo සහ   The Big Bullහි අමතක නොවන රංගනයන් අතරට  'Dasvi' හි ගංගා රාම් චෞද්රි නිතැතින්ම එක්වෙනු ඇති.

බිම්ලා දේවි ආරූඪ කරගත් නිම්රත් කෞර් අභිෂේක්ට දෙන්නේ නොදෙවැනි තරඟයක්. ඔතෑනි මෝඩපහේ ගෘහණියකගේ සිට බලයෙන් මත්වුණු කපටි දේශපාලනඥයෙක් දක්වා ඒ විකසනය අපූරුවට බිම්ලා දේවිගෙන් පළවෙනවා.
යාමිගේ චරිතය ටිකක් දැනුණා මදිවුණත් දස්වි අනිවාර්යයෙන්ම ඉතා හොඳ මට්ටමක නිර්මාණයක්💐

AB has aced the character of Ganga Ram Chaudri. It is good to see that Netflix is getting a better use of his potential and personality,though it's bit late. Among the Indian star kids, I believe AB was one who got criticised unfairly by many for his only fault being unable to hit the line set by his father, Big B. Clearly his potential and skill is of a different level to his father. Happy to see he's slowly and steadily making his mark in the industry now. Ganga Ram Chaudri will be another memorable act by AB just as Hemant Sha in Big Bull, Bob in Bob Biswas and Bittu Tiwari in Ludo.

AB was given a tough competition by Nimrat Kaur, the leading lady who potrays Bimla Devi Chaudri. A lovely combo in a way😁 
Though Yami's character could have been improved a little, Dasvi is worth watching.💐

මලුවල බළල්ලු?

2022 අප්‍රේල් 7දා

සිදුවිය යුත්ත එලෙසම සිදුවනවාක් මෙන් ජනතාවාදී අරගලයේ දේශපාලනික මුහුණු ටිකෙන් ටික කරළියට පැමිණෙනු පෙනේ! පීඩිත ජනතාව පලිහක් කරගනිමින් තමතමන්ගේ දේශපාලනික අරමුණු මුදුන්පත් කරගැනීමට කැසකවන දේශපාලකයන් 225 කොටස්කරුවන් නොවන හැඩයක් ද අරගලය තුළ පෙනෙන්නට පටන්ගෙන ඇත.

ජනතාවාදී අරගලයක සිටින බව පවසන බොහෝ දෙනා නොයෙකුත් දේශපාලකයින් ජනපති පදවියේ හිඳුවන්නට ක්‍රියාත්මක වන බවද මේ වනවිට අපක්ෂපාතී ස්වාධීන ජනතාවට පැහැදිලිය!
අරගලයේ මූලික හේතු ඇතැම් නායකයන් පදවිප්‍රාප්ත කිරීම නොවන බව ජනතාව දනිති.
අනුප්‍රාප්තිකයන් සෙවීමට වඩා පීඩිතයාට අවැසි දැවෙන ජීවන ගැටලුවලට විසඳුම්ය!
කරුණාකර කල දුටු කල වල ඉහගැනීමට දත කන ඇත්තන්ගෙන් ප්‍රවේශම් වන්න. 
 
#ආයෙමත්රැවටිලාද

මැතිවරණයක්??

2022 අප්‍රේල් 5දා

අරගලයේ ඉන්න කවුරුවත් විසඳුමක් කියන්නේ නෑ.
මෙයාව හරි 225ම හරි එලවලා කව්ද ඊළගට එන්නේ ඇහුවම ඒක එතකොටනෙ කියලා මග අරිනවා🙄

මේ වෙලාවේ මැතිවරණයකට ගියා කියමු. කාටද මේ වගේ වෙලාවක මැතිවරණයකට වියදම් කරන්න සල්ලි තියෙන්නේ? කොහෙන්ද ඒ සල්ලි එනවා ඇත්තේ?


තවත් unfriend වීමක්!

2022 අප්‍රේල් 2දා 

ඒ අව් අස්සේ කණගාටුදායක විනෝදජනක සිදුවීමුත් වෙනවා. පැරණි හිතවතියක් මාව unfriend කරලා🤷‍♀️ අවුරුදු විස්සක විතර හිතවත්කමක්. ප්‍රතිවිරුද්ධ දේශපාලන කඳවුරක් නියෝජනය කරන එතුමියගෙ ආවේගශීලී වයිරී පෝස්ටු නිතරම දකින නිසා ඊයේ හෝ පෙරේදා දුටු පෝස්ටුවලත් විශේෂයක් දැනුණේ නැහැ. ඊයේ බොහොම ආවේගයෙන් යුතුව බැණ අඬගසා අන්ෆ්‍රෙන්ඩ් වෙන්නට ආරාධනා කර තිබුණේ රාජපක්‍ෂලාගෙ වැසිකිළි සෝදන කෙනෙකුට නිසා කවුරුත් අදාළ කරගෙනත් නැතිව ඇති. 

අවුරුදු විස්සක හිතවතෙක් දන්නවා මම බොහොම සාමාන්‍ය මනුස්සයෙක් බව. විනෝදය තමයි මට වඩා ක්‍රියාකාරී මගේ සහෝදරියව ඉවත්කරලා නෑ.😂 එතුමියගේ උදහසට ලක්වන්නට තරම් මා කළ දේකුත් නෑ දන්නා තරමින්. අනෙක් අතට කේළම්, අපහාස උපහාස, මඩ නුහුරු දේවලුත් නෙවෙයි. 

මේ වගේ අවස්ථාවලදී තමයි මිනිසුන්ගේ යථා ස්වරූපයන් එළිවෙන්නේ. තවත් කෙනෙකුගේ මතයක් ඉවසන්න බැරි මිනිස්සු තමයි එකමුතුව රට හදන්නට කතා කරන්නේ!😅 අන්න ඒකයි කණගාටුව. 

ආසියාතික අපි බොහොම හැඟීම්බර high context මිනිස් කොට්ඨාශ. හැඟීම්වලට දෙන ඉඩ වැඩි නිසා තමයි හරිම ලේසියෙන් දේශපාලන ඉත්තෝ බවට පත්වෙන්නේ. හැම තලයකදිම, හැම දේකදිම හැඟීම් තමයි manipulate වෙන්නේ. මාධ්‍ය තමයි ඒකෙන් උපරිමම ප්‍රයෝජන අරං තියෙන්නේ (Yellow journalism). මොකද අවංක මෝඩයොත් ඉන්නවා, වංක මෝඩයොත් ඉන්නවා. ඒක තමතමන්ගෙ නැණ පමණින් අවබෝධ කරගතයුතු දෙයක්. 

සාමාන්‍යයෙන් මේ වයසේදී අපි මානසිකව පරිණතවේගෙන එනවා. අවුරුදු දහ අට විස්සට වඩා ආවේග පාලනය කරගන්න හැකියාව ලැබෙමින් පවතිනවා. එහෙම නොවන සුවිශේෂී ජීවීනුත් ඉන්නවා, නැත්තෙ නෑ. 
හැබැයි දේශපාලනයක් හින්දා තමන්ගේ හිතවතුන්, සමීපතමයන් නැති කරගන්න එපා. දේශපාලන මතිමතාන්තරවල පීඩනය වෙනත් මාර්ගවලින් පිටකරන්නත් එපා. මේක පුංචි ලෝකයක්. ආයේ දවසක මුණගැහුණොත් සුහදව කතාබහ කරලා විසිරයන්න පුළුවන් තරමට මයිත්‍රිය වඩන්න පුරුදු වෙලාම රට හදන්න පටන් ගමු. ඒකනේ වෙන්න ඕන?