Thursday, November 14, 2019

ජපන්

සොඳුර, 
උඹ
වසාබි වැඩිවෙච්චි
සුෂියක්
මගේ මොළ ගෙඩිය
පුච්චලා දාපු!


යාන්ත්‍රික

යාන්ත්‍රිකය හදවත
ප්‍රේමයේ අක්මුල් වියළුණු..
අවෝය ගියෝය
නටඹුන් අතර ඉදහිට
වෙර දැරුවෝය
පැරද යන්නෝය
ඉකි බිඳින්නෝය
වියරු වන්නෝය
මළගිය හදට පෙම් බැඳ


Tuesday, November 12, 2019

විසවීම

ඇයට ප්‍රේමය විසවිය
බැඳි නොබැඳි 
තරුණ මහලු 
පෙම්වතුන් ඈට යා නොදේ! 


Sunday, November 10, 2019

ෂාජහන්

ෂාජහන්,
උඹේ ජුලියට් අද මළා..!
උඹ ඒකිට හදවපු
කිරිගරුඬ සොහොනේ
වළලා අමතක කරපන්..!
අඬන්න ඕනෑකමක් නෑ..
දැන් ජුලියට්ට
කඳුළින් පණ දෙන්න බෑ..!
ඒත්..
ජුලියට් මරාගෙන උපන්න
සමනළියෙක් ඉඳිවී
හැබැයි යකඩ..
හිරකරගන්න හදන්න එපා
උඹ ඈව..
ඈ ඉන්නෙ නෑ
ස්ථිරයි මට ඒක..!
ඈට පුළුවනි
උඹ හැදූ ඔය සොහොන
මිසර පිරමීඩයක් කරන් ඉන්නට..
අමතක කරන්න එපා
ඒ බව..!


Saturday, November 9, 2019

සිහිවීම

නැවත කිසි දිනෙක
ප්‍රේමයෙන් නොබැඳෙනුයි
මටම මා හිත
තරවටු කරන මොහොතක,
සබඳ,
මට ඔබේ දෙනෙත
සිහිවෙයි