මේ අවස්ථාව ඔබේ විය හැකියි!

මෙන්න කලා උණෙන් පෙළෙන, සිනමාවේ ඉවුරු තරණයට පුල පුලා බලා සිටින ඔබට අනගි අවස්ථාවක්!

සිංහල සිනමා වංශ කතාවේ මීලඟ ගාමිණි-මාලනී, විජය-මාලනී, සනත්-සබීතා, ජීවන්-සංගීතා, රංජන්-අනර්කලී ඔබ විය හැකියි!

ප්‍රවීණ චිත්‍රපට අධ්‍යක්ෂ, බොක්ස් ඔෆීස් වාර්තා පිහිටවූ අති සාර්ථක "දිල් පීචං ක්‍යා හේ" නිර්මාපක තනියාගේ මීලඟ චිත්‍රපටියේ නළු නිලියන් තෝරාගැනීමේ සම්මුඛ පරීක්ෂණ සඳහා අයදුම් පත්‍ර දැන් භාර ගැනේ!


සුදුසු රූප සම්පත්තියෙන් අනූන පහත සඳහන් සුදුසුකම් සහිත අවිවාහක තරුණ තරුණියන්ට මීට අයදුම් කළ හැක.
සැ.යු: මහළු චරිත කිහිපයක් ද ඇත. විවාහකයන්ට වුවද පහත සුදුසුකම් ඇත්නම් අයදුම් කළ හැක. 

**විනිශ්චය මණ්ඩලයේ තීරණය අවසාන තීරණය වේ.

පිරිමි :
*පැක් 6-8ත් අතර විය යුතුය.
*උස අඩි 5 අඟල් 6ට වැඩි විය යුතුය.
*මුහුණේ මස්පිඬු චලනය කිරීමේ හැකියාවක් තිබිය යුතුය.
*රළු සුමට පෙනුමක් තිබිය යුතුය.
*මනාසේ පිහිටි හිසකේ, ශරීරාංග සහ දත් පෙළ තිබිය යුතුය.
*මනා කථන හා ශ්‍රවණ හැකියාවෙන් අනූන විය යුතුය.
*වයස අවුරුදු 40ට අඩු විය යුතුය.
*ප්‍රේක්ෂිකාවන් මෝහනයට පත් කිරීමෙහිලා සමත් මායම්හි නිපුණතාවක් තිබීම අනිවාර්ය නොවන නමුත් සලකා බැලේ. (විශේෂ: මෙකී සුදුසුකම සහිත තරඟකරුවන් ස්ත්‍රී දූෂණ, වංචා දූෂණ, ලිංගික අපචාරයන්හි චූදියන් නොවන බවට සහතික කරන ලද ග්‍රාම සේවක සහ පොලිස් ලියකියවිලි රැගෙන ආ යුතුය.)

ගැහැණු :
*බෝතල සහ hourglass හැඩයෙන් යුතු විය යුතුය. 
*පංච කල්‍යාණයෙන් අනූන විය යුතුය.
*සබ කෝලයෙන් තොර විය යුතුය.
*මනා කථන හා ශ්‍රවණ හැකියාවෙන් යුක්ත විය යුතුය.
*නම්‍යශීලි සුකොමළ ශරීරයකින් යුක්ත විය යුතුය.
*නර්තන හැකියාව විශේෂ කොට සැලකේ.(අවම වශයෙන් ඉණ කැරකැවීමටවත් හැකි විය යුතුය.)
*වයස අවුරුදු 35ට අඩු විය යුතුය.
*හැඟීම් ප්‍රකාශනයේ මනා නිපුණතාවයක් තිබිය යුතුය.

අති විශේෂ: අපචාරයන්හි යෙදුණු, සම්භාහන ආයතනයන්ට අනුබද්ධිත සේවක/සේවිකාවන්ට මේ සඳහා අයදුම් කළ නොහැක.

ඔබගේ මෑත කාලීන වර්ණ උඩුකය හෝ සම්පූර්ණ ඡායාරූපයක් සමඟ අයදුම්පත්‍රය යොමු කරන්න.