අමුඩ රෙද්දෙන් පිට්ටු තැම්බීම

බුකිය දැන් එකම විකාරයකි.දේශපාලන මත ඉවසන්නට බැරි සමහර ගිනිපුක්ගායකාරයන් කොරනා විහිළුවලට මට හිටං හිනාය.යකෝ මම ලියන්නේ මගේ තාප්පේය, මම පෝස්ටර් ගහන්නේ මගේ තාප්පේය.කොහෙවත් යන උන්ට රුදාවය! ඒකත් හිනාව බඩයන්නට ගන්නේ ජනවාරි 9වෙනිදා තෙක් ඡන්දයක් ගැන මුකුත් නොදන්නා සේ හිටි පතෝල කරල්ද දැන් නයි කොච්චි වී ඇති හැටි දැකලාය.අම්මපල්ලා මට නම් මේ දැනුත් හිනාය!උන් උන්ගේ පු**වල් සපාගෙන සැරට දනෝ දනෝ කියා මගේ තාප්පේට චූ කරන්න එන්නෝය..! යහපාලනේ එච්චරකට නැගලා යන්නේය..!

උන්ට කියන්නට ඇත්තේ:

මගේ කැමැත්තට මම කවි පබඳින්නේ
මගේ තාප්පේ මගෙ ඩාටා යන්නේ
දිරවන්නේ නැති යමෙක් නම් මෙහි ගැවසෙන්නේ
මං මක් කොරන්නද නැත මා උන් කැඳවන්නේ

තුන්සක රියක පිටුපස ගහලා තිබුණේ
නිසි වදනමයි එයමයි මට සිහිවන්නේ
"ළිඳ මගේ නම් මම ළිදේ නම් ඉන්නේ
වෙන කවුරුවත් මොටදෝ මේ දුක්ගන්නේ"

මම දකිනා මට දිරවනා යහපාලනයක මූලික ලක්ෂණය ඔහොම නෙවේය.ඒ වුණාට පහුගිය කාලයේ රත්වූ මා ඇතුළු 58ලක්ෂයකගේ ලේ පිරිසිදු කරනුවස් යහපාලනයේ නාඩගම නැගලා යනවාය.ඒ නාඩගමේ තරමට මට සුන්දර හීනත් පෙනෙනවාය.එව්වා මරුය..මම හැමදාම රෑට නිදාගන්නේ යහපාලන හීනයක් පෙනීයන් කියාය.සූනියම් පෙට්ටියේ 7ට, 8ට, 10ට පෙන්වන යහපාලන පුවත් බැලූකල තවත් ආතල්ය.ඒක නිසා මම එව්වා බල බලා නිදන්නට යනවාය.ඉස්සර හංස බෙටි ඇහිලූ උන්දැලාට තිබූ ලොකුම විප්පයෝගය, හංසයාට වඩා බුලතා පෙට්ටියේ ඉන්නවා කියන එකය.කොයිතරම්ද කිවහොත්, උන්දැලා රාජ්‍ය මාජ්ජ ආයතන පරිපාලනය පිළිබඳව විජේවීර ලොක්කා වගේ දේශනා තියන්නටද තැතනුවෝය.මම නම් කියන්නේ දැන් රාජ්ජ මාද්දිය පමණක් නොවේය අනික් එව්වාත් සිරිසේනකරණීය වෙලාය.පෞද්ගලීකරණයේ මෑණියෝ වන දෝන විස්කි චන්දිරිකා රෝස කුමාරිහාමිගේ ගෝල මිස්ටර් ප්‍රසිඩන්ට් පඹතුමාට ඔහොම සප් එකක් හම්බුවීමේ පුදුමෙකුත් නැත්තේය.ඒ වුණාට යහපාලනය බොක්කෙන් අනුගමනය කරනා ඉතුරු ලක්ෂ62ට පුදුමය, හෙන අවුල්ය! උන් එච්චරටම සුද්දවන්තයෝය! මේ මාජ්ජ නිදහස සිරිසේනකරණීයවීමට විරුද්ධව උන් දැන් මෝඩ ගඩොල් එකතු කිරීමේ ව්‍යාපාරයක් කරන්නෝය.ලොකුම ගඩොල එක් වූ නැකතට ගල් ගැහීම පටන් ගන්නට නියමිතය! 

අර දින 100ක කියා හෙන ගනකම් පත්තර පිටු 4ක් බෙදබෙදා ගිය හංසයෝ කලේ මහ අපරාධයකි.අපේ ගෙදරත් ඒ පත්තර පිටුවෙන් මම මැස්සෙකු මැරූ නිසා විසික් කොරලාය.නැත්නම් දැන් දින 100ක වැඩක් පලක් වෙනවාද කියා මට ද රිපෝර්ට් කොරන්නට තිබුණාය.කොහොම වුණත් මට නම් දැන් ඒකේ තිබූ ඒවාට වඩා වෙනස් වෙනස් බහුභූත දකින්නට ලැබෙන්නේය.

මුල පටන්ම කොළේ කසිප්පු අල්ලන්න පනින පොලෝසියේ භූමිකාවය.අම්මපා ඒ අතින් නම් රනිලයානෝ මාර ලකීය.මන්ද යත්, උන්දැ පඹාධිපතිට කියා ටොක්කක් අන්නවන්නට කලින්, උන්දෑගේ ගෝලයෝ රොත්ත සරම් කරට ගෙන පැනලා හොරු සේරෝම අල්ලන නිසාය..මෙහෙව් ප්‍රීතියක් රට වැසි අපට නම් කාලෙකින් ලැබිලා නැත්තේය.ඒ නිසා අපි හුරේ තියමින් ප්‍රවෘත්ති කියා අලුතින් පෙන්වන මෙගා නටාකේ බලන්නෙමුය.මං නම් ආසම වන්ෂොට් අයියාට සහ සුජීටය.එයාලා මාරම දක්ෂය.මහින්ද මාමාගේ මූණු තියෙන ඔරලෝසුවක් හොයාගත්ත දවසට, ලිතක් හොයගත් දවසට එයාල කතා කරන හැටියට මගේ ඇස්වල හදවත් ලකුණු මතුවෙනවාය..තව කී දෙනෙකුට එහෙම වෙනවාද දන්නේ නැතිය..අප වැනි ලේ මාපිල්ලුන්ට එහෙම වූවාට හංස බෙටි ඇහිලූ උන්ට එහෙම වෙලා නැත.හරි පුදුමය!

ඒ විතරක් නම් මදිය.මම නම් කොහොමහරි බලාඉන්නේ අසාද් සාලි වැනි ජාතික වීරවරයෙක්ට සැට්වෙන්නටය.උන්දැගේ සුරුවිරුකම් කෙතරම්ද යත්, අගවිනිසුරුට ගෙදරට ගොසින් තග දාලාත්, ඌට විරුද්ධ ඇක්ෂන් එකක් ගත හැකි එක බල්ලෙක් ලක් පොළොව මත හිටියේ නැත.ඒ වෙනුවට අපගේ රටට හිතැති තෙතැති ඔතෑනි පඹාධිපති ලියුම් කරදහියකින් ශිරාණි ඇන්ටි ගෙන්වා අගවිනිසුරු කෙරුවේය.ඒ උන්දැගේ අවාසනාවත් පශ්චිම භාගයට අගවිනිසුරු ආසනයෙන් එක දවසක නාමික සැපක් දෙන්නටය.මරු කියන්නේ මට නම් හිතෙන්නේ මේ සිරස සුපර් ස්ටාර්වලට වඩා සුපිරි අළුත් රියැලිටි නාඩගමක් කියාය.දැන් මාගේ ඒකායන පරමාර්ථය සිරීගෙන් ලියුමක් ගෙන ඔය වාගේ පට්ට උස තනතුරකට දවසකට පත්වී පැය 24ක පොඩි ආතල් එකක් ගන්න එකය.ශිරාණිට වඩා මම හැඩ නිසා එච්චර ගේමක් නැතිය!

අර සමහර මෙගාවල අද ඉන්න නිළිය හෙට නැතිවෙලාය.අම්මපා අපේ උසාවිවලත් එක ගෑණියෙක් ඇස් වහන් ඉන්නාවිට එකියෙක් ඇවිත් හොරෙන් වාඩිවෙලා හිඳ බැහැලත් ගිහිල්ලාය..!

අපේ සයිබරයේ ඉවාන් ලියූ චිට් එකක කතාවක් මට මතකය..අනේ අපි නොහිතූ ලෙස යහපාලනේත් චිට් එකකින් කෙරුණාය. ප්‍රීති! ප්‍රීති!!ප්‍රීතී!

ඇයි ඒ විතරද? තෙවරප්පෙරුමගේ සීන් කෝන් එක ඊටත් වඩා ආතල්ය.අළුත්ගම බෞද්ධ-මුස්ලිම් ගැටුම වෙලාවේ තෙවරප්පෙරුම ගොසින් මුස්ලිම්වරු රැක්කේ කිකිළි බිත්තර රකින්නා වාගේය.එහෙව් කිකිළි, නැත කුකුළා මහ දවාලේ දෙමළ ප්‍රාදේශීය සභා මංත්‍රීවරයෙක්ට ටවුමක් මැද දණගස්සා පහර දුන්නේය..එතකොට එය පුදුමාකාර යහපාලන තියරියකි!ටවුමක් මැද මෙගා ෆෝනයකින් කුනුහප්ප කියූ තෙවරේ විහිළු නොදන්නා උන්ට ආදර්ශයකි!

තෙවරේගේ ගෝලයෙක්ද මන්දා පස්සේ වත්තල ප්‍රදේශීය සභාවට පැන හුරතල් වුණේය.මට යන්න බෑ බෑ කියද්දි ප්‍රදේශීය සභාපතිට තොත්තු දෙන්න ගිය හැටි අපි වීඩියෝවලින් දුටුවෙමු ය.මෙව්වා සේරෝම බලාගෙන රනිල් සුදා පාර්ලිමේන්තුවේ ටොකු අන්නන සිඟිති ආතල් ගන්නා හැටි මරුය.එයා කොහොමත් ඉංගිරිසියෙන් හිතා සිංහලට පරිවර්තනය කොරනවා තමාය..ඒත් ඔය කතාව ඉංගිරිසියෙන් හිතුවේ කොහොමද කියා දැනගන්න මාත් ආසය.අනේ එයා හලී ශ්වීට් ය..!

යහපාලනේ නිසා දැන් නම් මගේ ඔළුගෙඩිය එන්න එන්න අවුල් වෙනවාය.බුලතේ හිටපු ලේකමා ආප්ප කා පැනගොස් හංසයෙක් අටවාගත්තෝය..! අටවාගත් හංසයා උදේ හවා ගඳ ගහන ගූ හැලියක් අටවා ගත්තේය!දැන් එතකොට එයා පඹාධිපති තැන්පත් ලෙස පත්වූයේය.උන්දැට සප් එක දුන් අලි රැල මේන් රෝල් එකට අවතීර්ණ වී ඇමැතිකම් ලබාගත්තෝය.ඇමතිකම් ස්ථිර කරන්නත් කලින් කට්ටිය හොරා-පොලිස්, රොබින්-මැරියන් කරන්නට ගත්තෝය..මහින්ද මාමා වටේ හිඳ කෑ හැකි තරමක් හොරා කෑ උත්තමයෝ උස්සාගත් සරම් බිමට පාත්කරගෙන සිරිසේනට අල්ලන්න ආවෝය.සිරිසේනත් බෑයි නොකියා හායි කීවේය..දැන් උන් සිරිසේනගෙ සරමෙන් මොට්ටැක්කිලි ඇඳගෙන අප්පච්චි මලා, අප්පච්චි හොරා, ඕකා අපිව කෑවා, ඕකා මට ගැහුවා කියා හොටු පෙර පෙරා අඬන්නට ගත්තෝය..! ඔක්කෝටම වඩා ගැරහුමට ලක්වුණු අපේ අහිංසක කොටි පැටියා වන කරුණා අම්මාන්, මැරකමේ පියා වන හුලිජ්ජගේ මැරවින්, සිරිසේනගේ සරම් කූඩාරමට රිංගා ගත් හැටි නම් මාර ආතල්ය..ඉස්සර කරුණාට කොටියා කොටියා කියූ හංස බෙට්ටෝ දැන් හ්ම්ම් සද්දක් නැත.කොටියා පූසා වෙලා වන්නට ඇත්තේය..

ඊටත් පස්සේ හංස ලකුණින් ආ පඹාධිපතිට කලින් හිටි බුලතේ සභාපතිකමත් ඕනෑ වූයේය.! අම්මපා බල තණ්හාවකට හෙම නොවේය..හුදී ජනයාගේ අහවල් සංවේගය උදෙසාය..! දැන් එතකොට මට මේක මහ අවුල් ජාලයක්ය..අලි අච්චර ගිරිය කඩන් කෑගහලා කඩේ ගියේ බුලතේ ලේකමා රජකොරන්නට ය! ලේකමා දැන් සභාපතියාය..! එතකොට සිරිසේන හංස පූට්ටුවේ නොව බුලතේ නියෝජිතයාය..එතකොට කෝ යකෝ හංසයා?? රනිල් අප්පුඩි තලතලා අපේ ආණ්ඩුවයි ගයන්නෝය..! ඒවුණාට ජනාධිපතිවරණයේදි අලියෙක් අපි නම් හීනෙන්වත් දැක්කේ නැත..කොළ අලියා ලිංගික විපර්යාසයකින් සුදු හංසයෙක් බවට පත්වෙලා ද කොහෙදෝ තිබුණේය..එතකොට කොහොමද යකෝ අලි ආණ්ඩුවක් වෙන්නේ???

ඉස්සර මහා ඡන්දෙට මක්කාවත් නොකරන බව කියූ රටේ පඹාධිපති පස්සේ දවසක කිව්වේ බුලත නියෝජනය කරන බවය..! අම්මපා එතකොට කෝ හංසයා සහ ගූ හැලිය??

මේක මාරම මාර විගඩමකි..ඒ අස්සේ රෙද්ද හදාගත් නිමල් සිරිපාලයාණෝ දුටු තැන්හී වරදේ බැඳෙන්නෝ, සිරී අපේයැයි අපේ සිරීයැයි කියා කට පිහ ගත්තෝය..! දැන් බහු භාර්යා සීන් එකක්ය...සිරිසේන හංසයාත් අලියාත් බැඳගෙන ඇත්තේ බුලත දික්කසාද නොකොටය..! යකඩෝ..ඒක නම් සුවර් එකටම මුස්ලිම් නීතියේ හැටියට කොරගත් එකකි..!

ඊටත් හපන් හිනා යන කාරණය, අලි සේරෝම බුලතේ හිටපු ලේකමා රජ කොරන්නට පැට්ටෝල් පුච්චාගෙන, අවුරුදු ගාණක් තිස්සේ රනිල්ගේ සිඟිති ආතල් ඉවසා දරාගෙන හෙන කට්ටක් කෑ අලියාගේ හිටි ලේකමා හිරේ තැප්පවීමය..!!

අහ්හ් තව ඩිංගෙන් අමතක වෙනවාය...ඇයි හත් දෙවියනේ, හිරුණිකා...!! තමන් දණින් වැටී වැඳගෙන ඉඳලාත් දුමීට දඬුවම් නුදුන් නිසා මහින්ද මාමාව අතැර ජනේලයෙන් පැනගොහින් හංසයාට දුන් හිරුණිකාගේ ඒකායන පරමාර්ථය වූයේ දුමීට කෙළකිරීමය..ඒත් තවම නම් ඒකත් වෙලා නැත්තේය..සිරිසේන පඹාධිපතිවූවාට පසු බුලතේ සභාපතිකමටද විද්දත් තාම දුමී එහේ ඉන්නවාය..හිරුණිකාත් වටේ ගොස් ආයෙත් දුමී ඉන්නා පක්සෙටම ආ එක ඊටත් වඩා ආතල් ය..දුමීට ඕන නම් මෙහෙම කියතහැකිය "මිටින් මුදා හැර බැලුවෙමි සත්තයි නුඹ නොගියා මවෙතින් ඉගිලී.."
මට ඇති ප්‍රශ්නය, 'හිරුණිකා මගේ හීරෝ කියන විස්කිටවත් අම්මපා බැරිවුණාද සිරිසේනගෙන් තුණ්ඩු කෑල්ලක් අරන් දීලා දුමී එලවන්න?'

ඒ අල්ල පනල්ලේ කොළොන්නාවේ කස්ටියක් සංවිධායක ධූරයෙන් දුමී අයින් කොට හිරුණිකා පත්කරන්නැයි ගිරි කඩාගෙන කෑ ගැසුවෝය..හැබැයි හිරුණිකා ඒ බව දන්නේ නැතිය! හරිම පව් ය! එක ගැහැණියෙක් මීගමුවෙන් කුලියට ගෙනල්ලා වාගේ පොළොවේ හැපි හැපී අපිට හිරුණිකා දෙන්න කියා ගැහූ විලාපයට එවෙලේ රූප පෙට්ටිය ලඟ හිටි මගේ කණක් නෑසී ගියේය..ඒත් සුදු නංගී ඕවා දන්නේ නැත්තේය...දන්නවා නම් 'අනී' කියා උඩ පැන සිනහ පාන්නට තිබුණාය...

හිනා වෙන්නම හිටං ඉඳලා අමාරුය..මම පොඩිත්තකට වාඩි වෙන්න යනවාය..!